Законлы никахығыҙ ҡотло булһын!

Ихлас һәм эскерһеҙ мөхәббәт китаптарҙа ғына булмай ул. Бер-береһе өсөн генә яралған матур парҙар була. Уларға ҡарап, күңел шатлана. Бындай хистәргә бер ниндәй аралар ҙа, ауырлыҡтар ҙа ҡурҡыныс түгел. Ауырғазы районынан Элина һәм Илгизәр Байморатовтар ҙа 6 йыл дуҫлашып йөрөгәндән һуң мөхәббәтен законлаштырған.

2022 йылда Илгизәр үҙ теләге менән махсус операцияға юлланған. Һөйгәне Элина фәрештә кеүек уға барлыҡ ҡыйынлыҡтарҙы еңеп сығырға ярҙам итә. Ярты йыл үткәс, ҡыҙ яратҡан кешеһен күреү өсөн Донецк ҡалаһына барып та ҡайта. Ә ошо көндәрҙә Илгизәр үҙе көтөп алынған ялға ҡайтҡан һәм һөйгәненә тәҡдим яһаған. Йәштәр аҙна дауамында туй үткәреп, мөхәббәтен законлаштырып та ҡуйған. Бөгөн уларҙың ғүмерендәге иң мөһим һәм иҫтәлекле көн.
Бәхет теләйек йәштәргә!
#ауыргазинскийрайон