Башҡортостан спортсыһы бөтә стилдәге каратэ буйынса донъя чемпионатында алтын яуланы

Үҙ спорт төрөнөң иң көслө вәкилдәре исеменә Рәсәйҙән, Төркиәнән, Грециянан,аҙағстандан, Ирандан, Пакистандан, Әрмәнстандан, Абхазиянан, Белоруссиянан һәм Көньяҡ Осетиянан 1500-ҙән ашыу спортсы көс һынашты.

"Һаҡланыу сараларында тулы контакт" дисциплинаһында беҙҙең Храмова Виктория еңеү яуланы.

Ярыш йомғаҡтары буйынса спортсыларыбыҙ донъя чемпионатында 1 алтын, 1 көмөш һәм 3 бронза миҙал һәм беренселектә 5 алтын, 7 көмөш һәм 8 бронза миҙал яуланы, тип хәбәр итә төбәк Спорт министрлығы.