Башҡортостан самбосылары 16 миҙал яуланы

Башҡортостан самбосылары Волга буйы федераль округы чемпионатында һәм беренселегендә 16 миҙал яуланы

Башҡортостан самбосылары спорт һәм хәрби самбо буйынса Волга буйы федераль округы чемпионатында һәм беренселегендә бөтә баҫҡыстарҙы биләй. Республиканың Спорт министрлығы хәбәр итеүенсә, самбосылар Кстовола (Түбәнге Новгород өлкәһе) төрлө дәрәжәлә 16 миҙал яуланы.

Спортсылар төрлө категорияларҙа бер алтын, биш көмөш һәм ун бронза миҙал яуланы. Беренсе урынды Октябрьскийҙан Эдуард Ибраһимов яуланы. Икенсе урынды Туймазынан Алла Рәхмәтуллина һәм Ангелина Нәжметдинова, Стәрлетамаҡтан Анастасия Белаш, Өфөнән Екатерина Тужилова һәм Урал Хәйбуллин алды. Өсөнсө урынды Туймазынан Елена Абдуллина, Алеся Шәрипова, Алина Ғәлиева, Анжелла Хәсбиева, Өфөнән Екатерина Тужилова, Стәрлетамаҡтан Дарья Баранчук, Күмертауҙан Розана Әминева һәм Роксана Әминева бүлеште.

Еңеүселәр 2023 йылда Рәсәй чемпионатында һәм беренселегендә ҡатнашыу хоҡуғына эйә булды.

"Башинформ".