Стәрлетамаҡта Миңлеғәле Шайморатов иҫтәлегенә көрәш буйынса турнир үтте

Стәрлетамаҡта Рәсәй Геройы, генерал-майор Миңлеғәле Шайморатов иҫтәлегенә арналған көрәш буйынса беренселек уҙҙы, тип яҙа «Башинформ».

«Стәрлетамаҡ-Арена» фойеһында ҡатнашыусылар һәм көйәрмәндәр өсөн Бөйөк Ватан һуғышы заманы экспонаттары һәм яугирҙарҙың шәхси әйберҙәре күргәҙмәһе ойошторолдо.

Асыу тантанаһында Рәсәй Геройы, генерал-майор Сергей Тулин билдәләүенсә, Миңлеғәле Шайморатов батырлыҡ, ҡаһарманлыҡ һәм ныҡышмалылыҡ өлгөһө булып тора. Офицер әйтеүенсә, был сифаттар ярышта ҡатнашыусыларға ла хас.

Турнирҙа республиканың 20-нән ашыу ҡала һәм райондарынан 2005-2006, 2007-2008, 2009-2010 йылғы егеттәр ҡатнашты.