Башҡорт егете көмөшөн дә, алтынын да яуланы

Өфөнән шахматсы, «Толпар» спорт клубы тәрбиәләнеүсеһе Урал Хәсәнов Рәсәй Кубогында «алтын» һәм «көмөш» яулаған. Был хаҡта "Башинформ" агентлығы яҙа. Урал тәүҙә Тверь ҡалаһында шахмат мәсьәләләрен сисеү буйынса опен-турнирҙа еңә. Һуңынан спортсы Рәсәй Кубогында көмөш миҙал яулай. Еңеү өсөн бөтә Рәсәйҙән 25 иң яҡшы спортсы көрәшә. Урал  Мәскәүҙән Данил Павловтан ни бары 4 балға ҡалышҡан.

Алда 16 йәшлек Урал Хәсәновты тағы ла яуаплыраҡ турнир— Батумиҙа үҫмерҙәр араһында шахмат буйынса Европа чемпионаты (композиция), ул 5 июндә башлана. Уның менән бергә шахмат буйынса йәштәр араһында тағы бер спортсы  14 йәшлек Ләйлә Табермакова ла ҡатнаша.

Фото:СК «Толпар»

Эдуард ҠУСҠАРБӘКОВ.