Шоңҡар
+17 °С
Болотло
Бөтә яңылыҡтар
Спорт
11 Июнь , 14:49

Әбеш батыры

 Оҙаҡламай Ҡазанда Милли көрәш буйынса донъя чемпионатында сығыш яһарға әҙерләнгән батырға уңыштар теләйек. 

Әбеш батыры
Әбеш батыры

Әбеш батырына донъя чемпионатында уңыштар теләйбеҙ!

Һабантуй йәме ул, әлбиттә, милли көрәш! Борон-борондан, алпамышалай ата-бабаларыбыҙ һабантуй батыры исемен яулау өсөн йыл буйына көс туплап әҙерләнгән һәм халыҡтың хуплау, дәртләндереү тауыштары аҫтында көрәш майҙанында үҙенең бил бирмәҫ батыр икәнлеген иҫбатлаған.  Был юлы ла майҙан уртаһына сығырға теләк белдереүселәр байтаҡ ине – көрәшселәр Аҡъяр, Байғусҡар, Бүребай, Вәлит, Сиҙәм, Таштуғай, Әбеш ауылдарынан йыйылды.

Билдең ныҡлығы, беләктең көсө, күкрәктең ғәйрәте келәмдә билдәләнә. Көрәштә үҙҙәрен һынап ҡараусылар дүрт ауырлыҡ категорияһында батырлығын күрһәтте. Көрәш көсөргәнешле, ҡыҙыу барҙы, бер кем дә бил бирергә теләмәне. Һөҙөмтәлә 65 килограмға тиклемгеләр категорияла Данил Тулыбаевҡа (Бүребай) тиңдәр табылманы. 2-селә – Шайнур Баймырҙин (Байғусҡар), ә 3-сө урында Илгиз Бохарбаев (Аҡъяр). 75 килограмға тиклемгеләр араһында Александр Лужников (Бүребай) – 1-се, Айрат Кинйәбаев (Таштуғай) – 2-се, Вадим Исхаҡов (Сиҙәм) 3-сө урындар алды. 85 килограмға тиклемгеләр араһында Ғәле Торошов (Әбеш), Илшат Мәхмүтов (Вәлит) һәм Азамат Ҡадаев (Аҡъяр) еңеүселәр исемлегенә инде. Ә бына 85 килограмдан ашыу ауырлыҡтағы көрәшселәр араһында Ирек Күсәков (Аҡъяр) еңде, 2-се урынды Инсаф Үтәшев (Таштуғай) һәм 3-сө урынды Динар Собханғолов (Таштуғай) алды. Еңеүселәргә бүләккә һарыҡ, призерҙарға ҡиммәтле бүләктәр тапшырылды.  

Ғәле Торошов, Әбеш ауылы:

–Көрәш менән 11 йәштән шөғөлләнәм, шунан алып төрлө кимәлдәге турнирҙарҙа ҡатнаштыс. Бөгөн район һабантуйында бишенсе йыл рәттән еңеү яулап, һарыҡ алдым. Әлеге ваҡытта Ишембай нефть колледжында белем алам. Көрәш буйынса спорт мастерымын. Оҙаҡламай Ҡазанда уҙасаҡ Милли көрәш буйынса донъя чемпионатында сығыш яһарға әҙерләнәм.

Раян АТАНБАЕВ

Әбеш батыры
Әбеш батыры
Автор:
Читайте нас: