«Рәсәйҙең йыл уҡытыусыһы» конкурсында Башҡортостан данын Юлиә Смехова яҡлаясаҡ

Юлия Александровна 20 йыл Стәрлетамаҡтың 1-се гимназияһында мәктәп уҡыусыларын рус теле һәм әҙәбиәтенән уҡыта. Юлия Александровна әйтеүенсә, ул мәктәпте һәм ғәҙәти булмаған балалар мәсьәләләрен ярата. 

- Хәҙерге уҡыусылар әүҙемерәк үҫешә, - ти уҡытыусы. - Шуға күрә улар менән аралашыу ҡыҙыҡлыраҡ, уларҙан мәғлүмәтте тиҙерәк аңларға, кәрәк ваҡытта иң мөһимендә туҡтарға өйрәтергә мөмкин.

Юлиә Смехова абруйлы конкурста ҡатнашыуҙы яҙмыш бүләге, үҙеңде таныу һәм ғәҙәти сиктәрҙән сығыу мөмкинлеге тип иҫәпләй.

Педагогтар өсөн һынауҙар - 20 сентябрҙә Төмәндә башлана, ә өсөнсө, финал, тур 2022 йылдың 5 октябрендә Мәскәүҙә уҙа. Еңеүселәрҙе Дәүләт Кремль һарайында бүләкләйәсәктәр.

Бөтө Рәсәй конкурсында уңыштар теләйбеҙ, Хоҙай тел асҡыстары бирһен!