Уҡытыусыға гөлләмә алыр урынға, аҡсаны хәйриәлеккә йүнәлткәндәр

Ағиҙел ҡалаһы уҡыусылары уҡыу йылын изгелек ҡылыуҙан башлаған.  Уҡыусылар 1 сентябрҙә уҡытыусыға класс исеменән бүләк итеп бер гөлләмә тапшыра, ә тотонолмаған аҡсаны хәйриәлеккә йүнәлтә. Балалар, алдан һөйләшеп, Белем көнөндә бер генә сәскә тотоп килә.

Аҡса Өфө балалар хосписына йүнәлтелә. Әлеге ваҡытта унда ауыр сирле 240 бала йәшәй.

Хәйриә аҡсаһына кәрәкле ҡорамалдар һәм аҙыҡ-түлек һатып алырға мөмкин. Хоспистың сайтында аҡсаны нимәгә тотоноуҙары тәфсирләп яҙылып бара.