Башҡортостанда көндәр йылынырмы?

Киләһе аҙнаның башында Башҡортостанда 18 градусҡаса йылыта, тип хәбәр итте республика синоптиктары.

Башгидромет мәғлүмәттәре буйынса, бөгөн республикала көн аяҙлы-болотло була. Урыны менән бер аҙ ямғыр яуа. Ел төньяҡ-көнбайыштан секундына 2-7 метр тиҙлектә иҫә. Һауа температураһы көндөҙ +10, +15 градус.

Дүшәмбе урыны менән бер аҙ ямғыр яуа. Ел йүнәлешен үҙгәртеүсән, талғын. Һауа температураһы төндә +1, +6 градус. Айырым райондарҙа 0,-2 градусҡа тиклем ҡырау төшөүе ихтимал. Көндөҙ +11, +16 градус.

Шишәмбе республикала яуым-төшөм көтөлмәй. Ел йүнәлешен үҙгәртеүсән, талғын. Һауа температураһы төндә +1, +6 градус. Айырым райондарҙа 0,-2 градусҡа тиклем ҡырау төшөүе ихтимал. Көндөҙ +13, +18 градусҡаса йылыта.