Башҡортостан уҡытыусыһы бөтә Рәсәй конкурсында «Тамашасылар һөйөүе призы»н яуланы

Башҡорт теле һәм әҙәбиәте уҡытыусыһы Мирас Рәшит улы Ишдәүләтов «Тамашасылар һөйөүе призы» номинацияһында еңеп сыҡты һәм «Иң яҡшы туған тел һәм туған әҙәбиәт уҡытыусыһы - 2022» Бөтә Рәсәй һөнәри конкурсында бишенсе урынды алды. Был хаҡта Башҡортостандың мәғариф һәм фән министры Айбулат Хажин хәбәр итте.

Министр социаль селтәрҙә яҙылыусыларға һөйләүенсә, педагогик эшмәкәрлегенең күпселек өлөшөн Мирас Ишдәүләтов Мәғариф һәм фән министрлығы ҡарамағындағы ойошмаларҙа эшләгән. Рәми Ғарипов исемендәге Республика башҡорт гимназия-интернатында эшләгән, Ғәзиз Әлмөхәмәтов исемендәге Республика гимназия-интернатында тәрбиәсе булып эшләүен дауам иткән, Башҡорт архитектура, төҙөлөш һәм коммуналь хужалыҡ колледжында, Өфөнөң 2-се шифахана мәктәп-интернатында уҡытҡан.

Мирас Рәшит улы 2022 йылдың яҙында «Башҡортостандың йыл уҡытыусыһы» төбәк конкурсы сиктәрендә иң яҡшы башҡорт теле уҡытыусыһы тип танылды.

«Иң яҡшы туған тел һәм туған әҙәбиәт уҡытыусыһы - 2022» бөтә Рәсәй конкурсында Мирас Ишдәүләтов халыҡ сәнғәтен популярлаштырыу һәм Рәсәй халыҡтарының мәҙәни традицияларын һаҡлау тураһында иң яҡшы 6 уҡытыусы иҫәбенә инде.

- Лайыҡлы, намыҫлы, яуаплы, аҡыллы уҡытыусы. Ысын күңелдән яҡшы һөҙөмтә менән ҡотлайым! - тип билдәләне Башҡортостандың мәғариф һәм фән министры Айбулат Хажин.

"Башинформ".