Ғаиләгеҙ менән ял итә килегеҙ

Сентябрҙең һуңғы шәмбеһендә барлыҡ ҡала һәм райондарҙа «Ғаилә» үҙәктәре  күңел асыу сараларын уҙғара. Уларға инеү бушлай.

Байрам программаһында ғаилә ағзалары өсөн мауыҡтырғыс квест, «Банан тәгәрмәсе», «Ғаилә терапияһы техниктары: ыңғай алмашыуҙар» оҫталыҡ дәрестәре һәм башҡалар ҡаралған.

Бөтә ерҙә лә «Ғаилә» хеҙмәте белгестәре - психологтар һәм юристар эшләйәсәк. Улар төрлө һорауҙар буйынса консультациялар бирә.

Был көндө Өфө ғаиләләрен «Родина» кинотеатры майҙансығына саҡыралар. Көндөҙгө сәғәт 3-тә башлана.

Башҡортостандың Ғаилә порталындағы «Ғаилә афишаһы» бүлегендә ҡала һәм райондарҙа Ғаилә ялын уҙғарыу урынын һәм ваҡытын аныҡларға мөмкин.

Ойоштороусылар балаларға ла, өлкәндәргә лә күңелле буласаҡ тип вәғәҙәләй.

Фото: асыҡ сығанаҡтарҙан.