Фәйзи Ғәскәров исемендәге дәүләт ансамбле Луганск академия филармонияһында сығыш яһаны

Фәйзи Ғәскәров исемендәге дәүләт академия халыҡ бейеүҙәре ансамбле артистары Луганск герой-ҡалаһында үҙҙәренең 83-сө концерт миҙгелен асты, тип хәбәр итте Радий Хәбиров социаль селтәрҙә.

- ЛНР-ҙа табиптарыбыҙ, юлсылар, төҙөүселәр һәм башҡа бик күп белгестәр эшләй. Хәҙер Фәйзи Ғәскәров исемендәге халыҡ бейеүҙәре ансамбле артистары ла Луганск халҡына күп милләтле Башҡортостандың бер өлөшөн алып килде, - тип яҙҙы республика башлығы.

Ул былай тине: «Рус, башҡорт, мордва, татар, белорус, ҡалмыҡ,, коряк бейеүҙәренә алҡыштар яһаған ерҙә нацизмға урын булмауы, ә халыҡтарҙың һәм мәҙәниәттәрҙең матурлығына, дуҫлығына үҙ-ара ихтирамына урын бар . Шулай булды һәм шулай буласаҡ та».

Фото: Башҡортостан Башлығы сәхифәһе.