Республикала йәшәүселәр мобилизацияланған егеттәргә посылка ебәрә ала

Стәрлетамаҡ хакимиәте башлығы Рөстәм Ғәзизов социаль селтәрҙә Башҡортостандан мобилизацияланғандарға посылка ебәреү мөмкинлеге хаҡында хәбәр итте. Һәр йома көндө хәрби хеҙмәткә саҡырылғандар йәшәгән Пензаға юлланасаҡ.

«Һеҙ гигиена саралары, аҙыҡ-түлек һәм башҡа әйберҙәр тапшыра алаһығыҙ. Юлға киткән ваҡытты иҫәпкә алып, тиҙ боҙолоусан аҙыҡ-түлекте тапшырырға кәрәкмәй, - тип яҙҙы Ғәзизов.

Тәүге посылканы, 30 сентябрҙә, иртәнге сәғәт 9-ҙа ебәрәләр. Тәүге оҙатыуға өлгөрөү өсөн 29 сентябрҙә йәки 30 сентябрҙә иртәнге сәғәт 8-гә тиклем посылка килтерергә кәрәк.

Посылка менән бергә мобилизацияланған кешенең исем-шәрифен һәм уның телефон номерын яҙырға кәрәк. Посылкалар «Берҙәм Рәсәй» партияһының урындағы бүлексәһендә (Стәрлетамаҡ, Хоҙайбирҙин урамы, 91) һәм Стәрлетамаҡ ҡалаһы һәм районы хәрби комиссариатында (Хоҙайбирҙин урамы, 118) ҡабул ителә.

Белешмәләр өсөн телефондар: 8 (3473) 20-94-84, 8-937-84-60-279.

Фото: Рөстәм Ғәзизовтың «Бәйләнештә»ге сәхифәһе