Башҡортостанға Донецк Республикаһы делегацияһы килде

Өфөгә төбәк етәксеһе вазифаһын ваҡытлыса башҡарыусы Денис Пушилин етәкселегендәге Донецк Халыҡ Республикаһы делегацияһы килде, тип хәбәр иттеләр Башҡортостан Республикаһы башлығының матбуғат хеҙмәтендә.

Денис Пушилин иртәгә, 11 октябрҙә, Совет майҙанында Рәсәй Геройы, генерал-майор Миңлеғәле Шайморатовҡа һәйкәл асыу тантанаһында ҡатнашасаҡ. Ул шулай уҡ Башҡортостан халҡын Республика көнө менән ҡотлаясаҡ.