Денис Пушилин: "Шайморатов - Башҡортостан өсөн генә түгел, Донбасс өсөн дә ҡәҙерле кеше"

Донецк Халыҡ Республикаһы башлығы вазифаһын ваҡытлыса башҡарыусы Денис Пушилин Башҡортостан халҡын Республика көнө менән ҡотланы.

Хәтерегеҙгә төшөрәбеҙ, Донецк Халыҡ Республикаһы етәксеһе вазифаһын ваҡытлыса башҡарыусы 10 октябрҙә Башҡортостанға килде.

"Мин Башҡортостан ерендә булыуым һәм барығыҙҙы ла Республика көнө менән ҡотлау менән ғорурланам, - тине Өфөлә генерал Шайморатовҡа һәйкәлде асыу тантанаһында Денис Пушилин. - Бынан тыш, Донбасҡа ошо ябай булмаған йылдар дауамында күрһәтелгән ярҙамы өсөн рәхмәт әйткем килә".

Донецк халыҡ республикаһы башлығы вазифаһын ваҡытлыса башҡарыусы Башҡортостандан Донбасты азат иткән һәм Рәсәйҙе 2014 йылдан алып яҡлаған ирекмәндәргә лә рәхмәтен белдерҙе.

"Бөгөн легендар генерал Шайморатов мемориалын асыуҙа айырыуса ғорурланам. Был һәйкәл генә түгел. Был мемориал Башҡортостан өсөн генә түгел, Донбасс өсөн дә ҡәҙерле кеше. Бөйөк Ватан һуғышының алыҫ йылдарында Донбасты азат итеп, тап шунда башын һалған. Шуға күрә тиҫтәләгән йылдар үткән берҙәмлек уртаҡ ватаныбыҙҙы тәшкил итә. Был, әлбиттә, әле лә бөтә Рәсәйҙе Донбасҡа ҡушылырға һәм уны азат итергә, Рәсәйҙең киләсәген төҙөргә этәрә. Балаларыбыҙ, киләһе быуындар улар ғорурланырлыҡ илдә лайыҡлы йәшәһен өсөн барыһын да эшләргә. Ҡәҙерле дуҫтар, мин барығыҙҙы ла байрам менән тағы ла бер ҡотлайым һәм һеҙгә кешелек рәхмәтен  әйтәм", - тип йомғаҡланы Донецк Халыҡ Республикаһы башлығы вазифаһын ваҡытлыса башҡарыусы Денис Пушилин.

Башинформ» хәбәр иткәнсә, бөгөн Өфөнөң Совет майҙанында легендар комдив, Рәсәй Геройы Миңлеғәле Шайморатовҡа һәйкәл асыу тантанаһы булды.

Легендар башҡорт геройы, 112-се Башҡорт кавалерия дивизияһы командиры, генерал-майор Миңлеғәле Шайморатовҡа һәйкәл республика етәксеһе Радий Хәбировтың башланғысы буйынса ҡуйылды. Ул Рәсәй Федерацияһының халыҡ рәссамы Салауат Вербаковтың һәм Башҡортостан Республикаһының атҡаҙанған архитекторы Константин Донгузовтың берлектәге проекты буйынса төҙөлгән.