Радий Хәбиров: Әлегә ғәҙәттән тыш саралар индереүҙең кәрәген күрмәйем

Оператив кәңәшмәлә Башҡортостан Республикаһы башлығының социаль коммуникациялар идаралығы начальнигы Елена Прочаковская «Инцидент-менеджемент» системаһына килгән мөрәжәғәттәр рейтингы менән таныштырҙы.

Торлаҡ-коммуналь хужалыҡ проблемаһы рейтингында беренсе урында - 609 мөрәжәғәт, әммә был үткән аҙна менән сағыштырғанда меңгә аҙыраҡ. Идаралыҡ етәксеһе уҙған брифингта ялыуҙар һанының кәмеүен аңлатты. Мөрәжәғәттәрҙә башлыса өҙөклөктәр йәки бүлмәләрҙең береһендә йылы булмау тураһында һүҙ бармай. Бөтә осраҡтарҙа ла урындарға барып, комиссияларҙы тикшерҙек.

Икенсе урында - өлөшләтә мобилизация, ошо тема буйынса 531 мөрәжәғәт килгән. Был уҙған аҙнаға ҡарағанда 513 мөрәжәғәткә аҙыраҡ. Артабан рейтингта төҙөкләндереү (441 мөрәжәғәт, плюс 34), юлдар (422, плюс 23) һәм социаль хеҙмәтләндереү (307, минус 96) килә.

- Әлегә Өфөлә штаб булдырыу тибындағы ғәҙәттән тыш саралар индереүҙең кәрәген күрмәйем. Ғәҙәти режимда эшләргә өйрәнегеҙ, - тип билдәләне республика башлығы Радий Хәбиров. - Әле ҡыш килә, тимәк, системалар әҙер булырға, кешеләр түләүҙәр менән бәйле бөтә нескәлектәрҙе аңларға тейеш. Нимәлер контроль аҫтынан сыҡһа, тикшереп яйға һалырбыҙ.