Башҡортостанда мобилизацияланғандарҙың ғаиләләренә ниндәй ярҙамдар ҡаралаған?

Башҡортостан Башлығы Радий Хәбировтың ҡарары менән республикала махсус хәрби операцияла ҡатнашыусы граждандарҙың ғаиләләренә булышлыҡ итеү буйынса саралар планы раҫланды. Был хаҡта хөкүмәт ултырышында Башҡортостан премьер-министры Андрей Назаров хәбәр итте.

План 30 ярҙам сараһын үҙ эсенә ала. Уларҙа санатор-курорт дауалауы, хәрби округта ҡатнашыусыларға һәм уларҙың ғаилә ағзаларына консультация һәм психологик ярҙам ҡаралған.

Хәтерегеҙгә төшөрәбеҙ, Башҡортостан Башлығы Радий Хәбировтың 11 октябрҙә ҡул ҡуйған бойороғонда яугирҙәрҙең ғаиләләренә ярҙам тураһында әйтелә.

Республика Хөкүмәтенән хәбәр итеүҙәренсә, планды тормошҡа ашырыу өсөн төрлө кимәлдәге 22 норматив-хоҡуҡи акт ҡабул итергә кәрәк. Улар - республиканың өс законы, Башҡортостан Башлығының биш указы, 13 ҡарар һәм бер хөкүмәт бойороғо, шулай уҡ бер нисә локаль акт.

Хөкүмәткә һигеҙ норматив хоҡуҡи акт проекты индерелде. Тағы алтауһын республика Башлығының тейешле закондарын һәм указдарын ҡабул иткәндән һуң әҙерләргә кәрәк.

"Тейешле республика башҡарма власть органдарын был эште тиҙләтеүҙәрен һорайым. Бөтә кәрәкле документтар ҙа ҡыҫҡа ваҡыт эсендә әҙер булырға тейеш. Бындай тәжрибә беҙҙә бар. Бөтә процедуралар ҙа эшләнгән", - тине Башҡортостан премьер-министры Андрей Назаров.

https://www.bashinform.ru/news/social/2022-10-18/v-bashkirii-dlya-okazaniya-pomoschi-semyam-mobilizovannyh-primut-bolee-20-normativnyh-pravovyh-aktov-2993299