Азат Бадранов махсус хәрби операция зонаһына юллана

Иртәгә, 10 ноябрҙә, Шайморатов исемендәге ирекле батальонға ингән Башҡортостан хөкүмәтенең беренсе вице-премьеры Азат Бадранов махсус хәрби операция зонаһына юллана.

Хәтерегеҙгә төшөрәбеҙ, Азат Бадранов сентябрь аҙағында махсус хәрби операция зонаһына юлланырға әҙерлеге хаҡында белдерҙе. Октябрь башында уҡ ул хәрби әҙерлек үтә башлай. Бынан алда етәксе «КП-Өфө»гә ни өсөн ирекмән булырға хәл итеүе хаҡында һөйләне. Лейтенант дәрәжәһендә хеҙмәт итер тип күҙаллана. Күптән түгел тура бәйләнештә вице-премьерҙың инициативаһына Башҡортостан башлығы Радий Хәбиров аңлатма бирҙе.