Радий Хәбиров Краснокама районынан 40 бала тәрбиәләгән ғаилә тураһында һөйләне

Краснокама районынан Гөлсирин Дербенева менән Аис Маликовтың 40 балаһы бар. Был ғаилә барлыҡҡа килгәндә, уларҙың һәр береһенең тәүге никахтарынан өсәр балаһы булған. Тиҙҙән улар биш баланы тәрбиәгә ала, шунан тағы ла 29 сабыйҙы тәрбиәгә алалар.

Гөлсирин Фәйзулла ҡыҙы - йорт усағын һаҡлаусы, оҫтабикә, ҡул эше оҫтаһы ул ҡыҙҙарҙы йәм булдырырға, бешерергә, сәскәләр үҫтерергә һәм йәшелсә үҫтерергә өйрәтә.

Аис Нәзиф улы ҙур ғаилә өсөн иркен йорт һалған. Балалар менән бергә улар умартасылыҡ, ағас эше менән шөғөлләнә, мал-тыуарҙы һәм аттарҙы ҡарай.

Малайҙар - спорт секцияларына, ҡыҙҙар бейеү һәм йыр түңәрәктәренә йөрөй. Улар - конкурстарҙа һәм олимпиадаларҙа әүҙем ҡатнашыусылар. Былтыр "Йыл ғаиләһе" Бөтә Рәсәй конкурсының республика этабында "Күп балалы ғаилә" номинацияһында еңеү яулағайны. Ә быйыл беҙ уларға "Ата-әсә ҡаһарманлығы" миҙалын тапшырҙыҡ.

"Дербеневтар - Маликовтар ғаиләһе - күп милләтле. Унда урыҫтар, башҡорттар, татарҙар, мариҙар, сыуаштар тәрбиәләнә. Ата-әсәләрҙең уларҙа төрлө халыҡтарҙың йолаларына хөрмәт тәрбиәләүе - ҙур ҡаҙаныш. Ә бөгөн, Әсәйҙәр көнөндә, Гөлсирин Фәйзулла ҡыҙына һәм бөтә әсәләргә рәхмәт әйтәм.  Наҙығыҙ, аңлауығыҙ, игелегегеҙ, зирәклегегеҙ өсөн рәхмәт", - тип яҙҙы Радий Хәбиров.