Путин инвалид кешеләрҙең проблемаларына иғтибарҙы арттырыу кәрәклеген билдәләне

Рәсәй Президенты Владимир Путин дәүләт инвалид кешеләрҙең проблемаларынан баш тартырға тырышмай тип белдерҙе. Хәҙер уларға иғтибар арта ғына бара.

"Сәләмәтлеге яғынан үҙенсәлекле кешеләргә ҡарата мөнәсәбәт - йәмғиәттең өлгөргәнлек, уның кешелеклелек, гражданлыҡ яуаплылығы күрһәткесе. Хәҙерге Рәсәйҙә был мөнәсәбәттең  яҡшы яҡҡа үҙгәреүен күрәбеҙ", - тине ул 2 декабрҙә инвалидтар һәм сәләмәтлеге буйынса үҙенсәлектәре булған кешеләрҙе берләштереүсе йәмәғәт ойошмалары вәкилдәре менән осрашыуҙа.

"Хәҙер - тәү сиратта бөтә кимәлдәге властарға махсус хәрби операция барышында ауыр яралар алған һалдаттарға, офицерҙарға һәр яҡлап ярҙам күрһәтеү айырым иғтибар үҙәгендә булырға тейеш. Улар сифатлы заманса кимәлдә - медицина, социаль реабилитация, тиҙерәк тергеҙеү өсөн кәрәкле бөтә нәмә менән тәьмин ителергә тейеш. Улар - илебеҙҙең ысын ир-егеттәре, һаҡлаусылары, геройҙарыбыҙ - үҙҙәренең хәрби бурысын намыҫ менән, фиҙакәр үтәне. Хәҙер беҙҙең бурыс - улар алдындағы бурысыбыҙҙы үтәү", - тип билдәләне Президент.

Владимир Путин вице-премьер Татьяна Голикова менән илдә инвалидтарҙың килеп сыҡҡан проблемаларын тикшереүен дә хәбәр итте.

Хәтерегеҙгә төшөрәбеҙ, сентябрь башында Рәсәйҙә мөмкинлектәре сикләнгән кешеләр өсөн бер нисә закон көсөнә инде. Яңылыҡтарҙың береһе өлкән йәштәге граждандарға ярҙам итеүгә ҡағылды. Әйтәйек, Инвалидтарға икенсе юғары йәки урта профессиональ белем алыу мөмкинлеге бирелде.

Бынан алда, 1 июлдә, Рәсәйҙә инвалидлыҡты теркәүҙең яңы ҡағиҙәләре ғәмәлгә индерелде. Хәҙер инвалидлыҡты раҫлау өсөн комиссияны көндөҙгө йәки ситтән тороп үтергә мөмкин. Мәҫәлән, медик-социаль экспертиза үткәреүгә ғариза биргәндә граждан тейешле форманы һайлай ала.

"Башинформ".