Башҡортостан Башлығы армия тураһында хәтирәләре менән уртаҡлашты

Башҡортостан Башлығы "Патриот" хәрби-патриотик паркында армия хеҙмәте тураһында хәтирәләре менән уртаҡлашты.

"Мин Байкал аръяғы хәрби округында хеҙмәт иттем, уның бөтә биләмәһе Ҡытай халыҡ республикаһына һәм Монголияға сиктәш ине. Бында бик күп хәрби частар булды. Мин мотоуҡсылар дивизияһында ике йыл хеҙмәт иттем.  Һәр егет хеҙмәт итергә тейеш тип иҫәпләйем, сөнки әле ул бер йыл ғына бара", - тине Радий Хәбиров.

"Башинформ" алдан хәбәр иткәнсә, "Патриот" паркында булғанда төбәк етәксеһе бында йәштәр менән шөғөлләнеү өсөн яңы урындар булдырыласағын хәбәр иткәйне.

Фото:Олег Яровиков.