+21 °С
Болотло
Йәмғиәт
23 Декабрь 2022, 14:25
Радий Хәбиров Салауат Юлаев һәйкәленең яҙмышы тураһында һөйләне
"Салауат Юлаев һәйкәле — беҙҙең ғорурлығыбыҙ".
Радий Хәбиров Салауат Юлаев һәйкәленең яҙмышы тураһында һөйләне
Салауат Юлаев һәйкәле хаҡында һөйләгәндә, Башҡортостан Башлығы Радий Хәбиров уны реставрациялауҙы Өфөнөң 450 йыллығы менән бәйләмәҫкә, ә был эшкә яуаплы ҡарарға саҡырҙы. Был хаҡта республика етәксеһе кисә ҙур интервьюһында белдерҙе.
«Салауат Юлаев һәйкәле — беҙҙең ғорурлығыбыҙ. Тәү сиратта барыһын да дөрөҫ эшләү тураһында уйларға кәрәк. Йәй көнө беҙ махсус фирма менән эҙләнеүҙәр өсөн килешеү төҙөнөк. Улар проект эштәрен алып бара. Был ғәйәт ҙур интеллектуаль хеҙмәт. 2023 йылдың мартында беҙ экспертизалы проект ҡына алабыҙ. Бындаашығырға, реставрация эштәрен теге йәки был датаға тамамларға тырышырға ярамай. Шуға күрә беренсе этап — проект. Артабан подрядсы эҙләйбеҙ. Был эш тә еңелдән түгел. Һуңынан экспертиза үткәрергә кәрәк. Статуянан тыш, постаментҡа ла һорауҙар күп. Күп көс талап иткән эштәр башҡарыу бурысы тора. Өфө командаһына һәйкәлде реставрациялауҙы ҡаланың юбилейы менән бәйләмәҫкә тәҡдим итәм», — тине Радий Хәбиров.
