Балаларға яңы пособие нисек түләнә?

 Илебеҙҙең социаль фондынан хәбәр итеүҙәренсә,  бер тапҡыр бирелә торған пособие әле 80 мең балаға хупланған.  

«Аҡсалар күрһәтелгән иҫәпкә күсереләсәк.  Ғаризалары буйынса ыңғай ҡарар ҡабул ителгән 1,5 мең ауырлы ҡатын да был түләүҙәрҙе аласаҡ”, – тиелә ведомствоның аңлатмаһында.

Яңы пособие килемдәре төбәктең бер кешегә бүленгән йәшәү минимумынан түбән булған ғаиләләргә бирелә. Балалар һәм ата-әсәләр Рәсәй граждандары булырға һәм даими рәүештә Рәсәйҙә йәшәргә тейеш. Түләүҙе тәғәйенләгәндә ғаиләнең килеме, мөлкәте һәм шулай уҡ ата-әсәнең мәшғүллеге лә иҫәпкә алына.