Иң шәп бүләк – беҙҙеке!

“Яҙыл да бүләк от!” акцияһында ҡатнашып, Баймаҡ районы Ниғәмәт ауылынан Гөлйемеш Ишмырҙина буй юрған отҡайны.

Бөгөн редакцияға Гөлйемеш Хөрмәт ҡыҙының улы Баязит килеп, бүләктәрҙе алды.  Баязит әлеге мәлдә Башҡорт дәүләт аграр университетында 2-се курста белем алып йөрөй. Гөлйемеш апай үҙе бына инде 30 йылдан ашыу мәктәптә эшләй икән.

 - “Шоңҡар”ҙан өҙөлгәнебеҙ юҡ. Шәп журнал! – ти Баязит . — Иң шәп бүләк – беҙҙеке! Тиҙерәк әмәлен табып, буй юрғанды, ултырғыс ябыуҙарын ауылға алып ҡайтып, әсәйҙе ҡыуандырырға ине!

Әйткәндәй, буй юрғанды һәм ултырғыс ябыуҙарын Зөһрә СОЛТАНҒОЛОВА эшләне.