Башҡортостанда абитуриент-волонтерҙарға юғары уҡыу йорттарына инеү еңелләшә

Киләһе йылдан юғары уҡыу йортона ингән волонтерҙарға өҫтәмә балдар өҫтәлә башлай. Был хаҡта ирекмәндәр форумы барышында Радий Хәбиров хәбәр итте.

Башҡортостан Башлығы ирекмән абитуриенттарға ярҙам күрһәтеүҙе республика вуздары ректорҙары менән тикшерергә вәғәҙә бирҙе.

Бынан тыш, Мәғариф һәм фән министрлығына республиканың урта махсус уҡыу йорттарына уҡырға инеүселәргә ошондай ярҙам күрһәтеү тураһында мәсьәләне өйрәнергә ҡушылды, тип хәбәр итә «Башинформ».