Теләкәй ауылында — самауыр байрамы

Ошо көндәрҙә Илеш районы Теләкәй ауылында «Айыҡ ауыл» республика конкурсы сиктәрендә Самауыр байрамы үтте. Байрам ауыл халҡын һәм ҡунаҡтарҙы «Бәләкәй улаҡ» шишмәһе янында йыйҙы.

Тап Теләкәй ауылы халҡы конкурстың финал этабында Илеш районы намыҫын яҡлаясаҡ. Байрамдың абруйлы ҡунаҡтары — Бөтә донъя башҡорттары ҡоролтайы вәкилдәре ауылдың үткәне һәм бөгөнгөһө хаҡында ҡыҙыҡлы мәғлүмәттәр алды, урындағы предприятиеларҙың эше менән танышты, халыҡ менән аралашты.

Байрамдың рәсми өлөшө башланғанға тиклем Башҡортостан Республикаһы Башлығының тәбиғәт ресурстарын файҙаланыу һәм экологик хәүефһеҙлек мәсьәләләре буйынса советнигы, Башҡортостан Республикаһының атҡаҙанған металлургы, Бөтә донъя башҡорттары ҡоролтайы рәйесе урынбаҫары, Баймаҡ һәм Илеш райондары кураторы Рәсих Хәмитов, Башҡорт ҡоролтайы ҡарамағындағы йәштәр эштәре, ирекмәнлек һәм спорт буйынса баш белгес Батырша Күсемханов, «Беҙ башҡорттар» йәмәғәт ойошмаһы етәксеһе Радик Бәхтиев, Илеш районы Советы секретары Игорь Никифоров, Бөтә донъя башҡорттары ҡоролтайының Илеш районындағы вәкиле Илшат Сибәғәтуллин һәм Иҫәнбай ауыл советы башлығы Фәғитйән Зарипов "Нур«мәсетендә, ауыл клубында булды, 1941-1945 йылдарҙағы Бөйөк Ватан һуғышында һәләк булған яугирҙәрҙең һәйкәленә сәскә һалды, «Илеш» МТС-ының етештереү участкаһын, Дәүләт крәҫтиән хужалығы фермаһының еләк үҫтереү буйынса плантацияларын ҡараны һәм уларҙың эше менән танышты. Артабан сара шишмә, Бәләкәй Улаҡ буйында дауам итте, унда ауыл халҡы күргәҙмә ойошторҙо, Илеш районының спорт комитеты уйындар һәм спорт ярыштары ойошторҙо, район мәҙәниәт һарайы матур концерт программаһын ойошторҙо, ә ауыл оҫталары бик сағыу ҡул эштәре күргәҙмәһен, ҡамыр аштарын һәм сағыу самауырҙар күргәҙмәһен ойошторҙо.

Шулай уҡ район үҫешенә тос өлөш индергән Телекәй ауылы әүҙемселәрен һәм ошо ауылда тыуып үҫкәндәрҙе бүләкләнеләр.

Байрам сараһы бөтә ҡунаҡтарҙы һәм халыҡты былау һәм сәй менән һыйлау менән тамамланды. Сарала ҡатнашыусылар күңел асып ҡына ҡалманы, ауыл тарихы, бөгөн ауылдың йәшәйеше һәм урындағы оҫталар тураһында ла ҡыҙыҡлы мәғлүмәттәр алды.

Шулай уҡ район үҫешенә тос өлөш индергән Телекәй ауылы әүҙемселәрен һәм ошо ауылда тыуып үҫкәндәрҙе бүләкләнеләр. Байрам сараһы бөтә ҡунаҡтарҙы һәм халыҡты былау һәм сәй менән һыйлау менән тамамланды. Сарала ҡатнашыусылар күңел асып ҡына ҡалманы, ауыл тарихы, бөгөн ауылдың йәшәйеше һәм урындағы оҫталар тураһында ла ҡыҙыҡлы мәғлүмәттәр алды.

"Ҡоролтай" төркөмөнән.