Радий Хәбиров отпускыға ҡайтҡан яугирҙарға рәхмәт әйтте

Радий Хәбиров отпускыға ҡайтҡан махсус хәрби операция яугирҙарына лайыҡлы хеҙмәте өсөн рәхмәт белдерҙе һәм былай тип өҫтәне: "Уңыштар һеҙгә, туғандар! Еңеү менән көтәбеҙ!".

Хәтерегеҙгә төшөрәйек, уҙған ял көндәрендә бер төркөм хәрби хеҙмәткәрҙәр республикаға махсус хәрби операция зонаһынан ҡыҫҡа ваҡытлы ялға ҡайтты. Яугирҙарҙы Октябрьскийҙа, һуңынан Өфөлә ҡаршы алдылар. 

Башҡортостан Башлығы Радий Хәбиров хөкүмәттең алдағы оператив кәңәшмәһендә бөтә кимәлдәге хакимиәттәргә махсус хәрби операциянан отпускыға ҡайтҡан ҡатнашыусыларҙы лайыҡлы итеп ҡаршы алырға ҡушҡайны.