7 апрель - Һыу аҫты кәмәләрендә һәләк булыусыларҙы иҫкә алыу көнө

Экипаждың 118 ағзаһы ла һәләк була

2000-се йылдың 12-се авгусында Төньяҡ флоттың Баренц диңгеҙендәге күнекмәләре барышында субмарина 108 метр тәрәнлектә бата. Экипаждың 118 ағзаһы ла һәләк була. Рәсәй Президенты указына ярашлы, бортта булған барлыҡ диңгеҙселәр үлгәндән һуң, “Батырлыҡ” ордены менән бүләкләнде, карап командирына Рәсәй Геройы исеме бирелде. Улар араһында беҙҙең райондың Мерәҫ ауылынан Фәнис Ишморатов та була.

2000-се йылдың 12-се авгусында Төньяҡ флоттың Баренц диңгеҙендәге күнекмәләре барышында субмарина 108 метр тәрәнлектә бата. Экипаждың 118 ағзаһы ла һәләк була. Рәсәй Президенты указына ярашлы, бортта булған барлыҡ диңгеҙселәр үлгәндән һуң, “Батырлыҡ” ордены менән бүләкләнде, карап командирына Рәсәй Геройы исеме бирелде.

Ҡыҙғанысҡа ҡаршы, улар араһында Башҡортостандан дүрт диңгеҙсе була: командир Роберт Гесслер, өлкән инструктор Наил Хафизов, кок-инструктор Салауат Янсапов, 1974 йылда Баймаҡ районы Мерәҫ ауылында донъяға килгән техник-турбинасы мичман Фәнис Ишморатов. «Курск» фажиғәһендә ҡорбан булған моряктарға, шулай уҡ дингеҙҙә хеҙмәт иткән яҡташтарыбыҙға ихтирам йөҙөнән Өфөлә 2006 йылда һәйкәл ҡуйылған. Ә инде Фәнис Ишморатовтың тыуған ауылында ла тыуғандары, дуҫтары, ауылдаштары көсө менән уның хөрмәтенә обелиск ҡалҡып сыҡты.

Фото: ирекле сығанаҡ