Һәүәҫкәр артистар махсус операцияла ҡатнашҡан яҡташтарына 50 мең һумға яҡын аҡса йыйған

Бөрйән районында һәүәҫкәр артистар махсус операцияла ҡатнашҡан яҡташтарына 50 мең һумға яҡын аҡса йыйған

25 мартта Бөрйән районында һәүәҫкәр артистар Байназар ауылында мәрхәмәтлек концерты ойошторған. Сарала 10 мең һум аҡса йыйылған, бынан һуң бөрйәндәр концерттарҙы артабан ойошторорға ҡарар иткән.

Ай дауамында төрлө ауылдарҙан йыйылған йырсылар һәм бейеүселәр Мораҙым, Мәһәҙей, Яуымбай, Яңы Монасип, Ғәлиәкбәр һәм Килдеғол ауыл мәҙәниәт йорттарында сығыш яһаған. Дөйөм йыйылған аҡса махсус операцияла ҡатнашҡан Бөрйән районы егеттәренә ебәреләсәк.

Барлыҡ ир-егеттәр имен-һау тыуған яҡтарына әйләнеп ҡайтһын, тип теләктәрен еткерә мәрхәмәтлек концерттарын ойоштороусылар.

https://vk.com/bstnews?w=wall-85076499_58057