Фронт һәм тыл берлеге еңеүгә илтә!

Хәйбулла районынан алғы һыҙыҡтағы яҡташтарға сираттағы гуманитар ярҙам китте. Дөйөм көс менән йыйылған аҡсаға ир-егеттәр теләгән әйберҙәр һатып алғандар. Шулай уҡ Ивановка ауылы фермерҙары Борис Абдуллин менән Юрий Шигаранов Нива автомобиле биргән. Машинаны хәрби әҙерлеккә еткереүгә яҡташтары Луиза Абзгилдина ярҙам иткән. Ауылдаштарының ярҙамы хаҡында хәбәрҙәр булған Ринат Түләбаев та уларға ҡушылған һәм автомобиль өсөн тәгәрмәстәр биргән. Ауыл йәштәре бензин генераторы һатып алған.

-Яҡташтарға Газель автомобилен дә алып барабыҙ. Районда гуманитар ярҙам йыйыуҙан берәү ҙә ситтә ҡалмай. Халыҡ фронты кешеләрҙе берләштерҙе. Барығыҙҙың да күстәнәстәрен, сәләмдәрен имен-һау алып барып тапшырырбыҙ! Беҙгә хәйерле юл теләгеҙ! – тип яҙҙы үҙенең социаль селтәрҙәге сәхифәһендә Хәйбулла районы хакимиәте башлығы Рөстәм Шәрипов.

Имен-һау йөрөп ҡайтығыҙ! Тиҙерәк еңеү килһен!

https://ataisal.com/articles/godpoleznihdel/2023-04-20/front-m-tyl-berlege-e-e-g-ilt-3228043