"Йыл уҡытыусыһы" конкурсы еңеүселәренә миллион һум аҡса түләнәсәк!

Быйылғы Педагог һәм остаз йылынан "Йыл уҡытыусыһы" Бөтә Рәсәй конкурсы еңеүселәре 1 миллион һум, ә призерҙар 500 мең һум аҡсалата приз менән бүләкләнәсәк. Элек бындай дәртләндереү саралары ҡаралмағайны.

200 мең һум күләмендәге аҡсалата приз РФ Мәғариф министрлығының башҡа конкурстары еңеүселәренә биреләсәк. Бындай ярыштар иҫәбендә: “Йыл тәрбиәсеҙе”, “Рәсәйҙең йыл директоры”, “Рәсәйҙең педагог-психологы”, “Рәсәйҙең уҡытыусы-дефектологы”, “Иң яҡшы туған тел һәм әҙәбиәте уҡытыусыһы”, “Йыл оҫтаһы” һәм “Йөрәгемде балаларға бирәм”.