Башҡортостандың ЮХХДИ хеҙмәткәрҙәре машинаһы боҙолған ғаиләгә ярҙам иткән

Өлкән лейтенант Ҡасим Әхмәтйәнов һәм кесе лейтенант Артур Гилмөхәмәтов Өфө - Белорет трассаһында патруллек итеү барышында капоты асыҡ торған Renault машинаһын күреп ҡалған. Водитель ҡатыны менән Булгаков ауылына табипҡа китеп барыуы хаҡында һөйләп биргән.

Инспекторҙар машинаның ГРМ-ҡайышы өҙөлөүен асыҡлаған. Юлдың был участкаһында элемтә бәйләнеше булмаған. Дәүләт автоинспекцияһы хеҙмәткәрҙәре ауыр хәлдә ҡалған ғаиләгә ярҙам итергә ҡарар иткән. Улар үтеп барған бер машинаны туҡтатып, уның ярҙамында ирле-ҡатынлыға дауаханаға барып етергә ярҙам иткән.

Афарин! 


https://vk.com/bstnews?z=photo-85076499_457283261%2Falbum-85076499_00%2Frev