Бөгөн һауа торошо ниндәй буласаҡ?

Бөгөн, 28 майҙа, Башҡортостанда аномаль эҫе һауа торошо һаҡлана. Һауа температураһы көндөҙ йәнә 32 градусҡа тиклем күтәреләсәк, тип хәбәр итә Башгидромет.

Яуым-төшөм көтөлмәй. Көндөҙ елдең тиҙлеге секундына 18 метрға етеүе ихтимал. Әйтәйек, төньяҡ-көнбайыш райондарҙа ғәҙәттән тыш янғын хәүефе һаҡлана.

Дүшәмбе, 29 майҙа, көндөҙ республикала урыны менән ҡыҫҡа ваҡытлы ямғыр яуыуы һәм йәшен йәшнәүе көтөлә. Һауа температураһы көндөҙ 27, 32 градус йылы буласаҡ.