Башҡортостан Башлығы журналистарға яңы ярҙам саралары тураһында иғлан итте

Башҡортостан Башлығы Медиайыйында Шәһит Хоҙайбирҙин исемендәге журналистар премияһының күләмен 500 мең һумға тиклем арттырырға вәғәҙә бирҙе, тип хәбәр итә «Башинформ». Хәтерегеҙгә төшөрәбеҙ, элек ул 100 мең һум ине.

Шулай уҡ Радий Хәбиров Башҡортостан Республикаһы Башлығының журналистар премияһын булдырыу тураһында белдерҙе. Яңы премияның күләме — 200-300 мең һум, уны «Матбуғат балы»нда тапшыралар. Премияны алыу өсөн төп критерийҙар — дөрөҫлөк, намыҫлылыҡ, объективлыҡ.

https://www.bashinform.ru/news/social/2023-06-06/glava-bashkirii-ob-yavil-o-novyh-merah-podderzhki-zhurnalistov-3289694