Газ белгесен өйгә индермәгән өсөн штраф арттырыла

Әле ул 1 меңдән 2 мең һумға тиклем етә. Хәҙер сумманы 10 меңгә күтәреү ҡарала. Рәсәй Хөкүмәте тейешле закон проектын раҫлаған, тип хәбәр итә федераль мәғлүмәт агентлыҡтары. Документ яҡын арала Дәүләт Думаһына индерелә. Ҡанун проекты авторҙары фекеренсә, аҡсалата яза газ шартлау осраҡтарын кәметергә булышлыҡ итәсәк. Эксперттар был башланғысты хуплай. Шул уҡ ваҡытта, газ сығып тороу осраҡтарын автоматик рәүештә асыҡлаған технологиялар индереүҙе әүҙемләштерергә тәҡдим итә. Аҙ тәьмин ителгән ғаиләләргә иҫке газ ҡоролмаларын алмаштырыуға субсидия бүлеү ҙә аварияларҙы иҫкәтергә булышлыҡ итәсәк тигән фекерҙә улар.

https://vk.com/bstnews