Туймазынан 44 йәшлек әсә һыуға батҡан баланы ҡотҡарған

«Туймазы хәбәрҙәре» гәзите хәбәр итеүенсә, был хәл 7 августа Татарстандың Баулы ҡалаһында булған. Туймазынан 44 йәшлек Эльвира Мостафина бассейнда батып барған 10 йәшлек малайға ярҙамға килгән.

Ҡатын әйтеүенсә, ул көтмәгәндә: «әсәй, мин батам!» тигән тауышты ишеткән.

– Минең күҙ алдымда таныш булмаған малай һыу аҫтына китте. Һыу өҫтөнә сығып йәнә ҡысҡырҙы ла йәнә юғалды. Мин уны ҡотҡарырға ашыҡтым һәм бассейндан сығарҙым, — тип белдергән Эльвира.

Ошо мәлдә малайҙың әсәһе лә йүгереп килгән, ул ҡатынға улын ҡотҡарғаны өсөн рәхмәт белдергән. Хәҙер малай менән барыһы ла яҡшы.

https://vk.com/bashkortostanim?trackcode=f1a3765bAyDcmYkQQOi9-3U_73GfzbmI3BMI-GQogJaSabmf49O3QXsIWzAokarzbjDcf5T-i5LsHQrgZzSaloNj5uuC&w=wall-153665096_168853