Был фотоға ҡараған һайын йөрәк өҙөлә

Был фотоға ҡараған һайын йөрәк өҙөлә. Йөҙкәйҙәрегеҙҙе мәңгеләштергән ошо мәлдә күпме генә йәшәр ғүмерегеҙ ҡалған булғандыр, балаҡайҙар?!. Айырылмаҫ ике дуҫ – ауылдаш, урамдаш, класташ, хатта парталаштың алыҫтан – Украина еренән хушлашыу сәләме булып килгән һуңғы кадр ул. Унда ла хас беҙҙәгесә кеүек йәшеллек – йәй, ағастар, хатта баҡса рәшәткәләре лә оҡшаш. Тик артҡы фондағы танк күңелгә шом һала, был ерҙәрҙән тыныслыҡ ҡасҡанына, йән-яҡтан үлем һағалап торғанына ишаралай... Танк эсендә ғүмерҙәре өҙөлә лә инде Әбйәлил егеттәре Азамат Дәүләтҡолов менән Айгиз Ирназаровтың. Бөгөн батырҙарыбыҙҙың һәләк булыуҙарына 1 йыл. Яҡты хәтер менән иҫкә алайыҡ!

Сығанаҡ: "Осҡон" гәзите