Заправканы шартлатырға янағанға дезертир мәрхүм булған

Өфөләге Нуғай шоссеһында граната менән автозаправканы шартлатырға янаған дезертир камерала үҙ-үҙенә  ҡул һалған. Был хаҡта “Комсомольская правда” порталы хәбәр итә.

Алдан хәбәр ителгәнсә, Илдар Б.  СВО зонаһында контракт буйынса хеҙмәт иткән.  Ләкин уҙған йылдың декабрендә хәрби частан үҙ белдеге менән ҡасҡан.

Тикшереү барышында уны 2023 йылдың 2 авгусында Базилевка психиатрия экспертизаһына ебәрәләр. Юлда ул ҡаса һәм граната менән янап, төбәк башлығы менән осрашыуҙы талап итә.