Ирәмәлгә менгән туристы тапҡандар

Ирәмәлгә менгән ваҡытта юғалған турист иҫән-һау табылған. Был хаҡта республиканың Ғәҙәттән тыш хәлдәр министрлығынан 16 сентябрҙә кисен хәбәр иттеләр.

- Ҡатынды Ягодная тауында ирекмәндәр тапҡан. Уның менән барыһы ла яҡшы, медицина ярҙамына мохтаж түгел. Ҡотҡарыусылар кире ҡайта, - тип аңлаттылар ведомствола.

Хәтерегеҙгә төшөрәбеҙ, ҡатын Ҙур Ирәмәлдән Бәләкәй Ирәмәлгә төшкән саҡта юғала. Эҙләүгә шунда уҡ Усть-Ҡатауҙан ирекмәндәр һәм ҡотҡарыусылар ҙа ҡушыла,  вертолетта ла эҙләйҙәр һәм хатта пилотһыҙ аппараттар йәлеп итергә йыйынғандар, әммә, бәхеткә күрә, турист тиҙ арала табылған.

Фото: МЧС РБ