УҠЫТЫУСЫБЫҘҘЫ ҠОТЛАЙБЫҘ!

Кисә - Стәрлетамаҡтың ҡала көнө тантанаһында, Өфө фән һәм технологиялар университетының Стәрлетамаҡ филиалы башҡорт һәм төрки телдәр филологияһы факультеты деканы РӘЙСӘ ХӘКИМ ҠЫҘЫ ИЛИШЕВАҒА мәртәбәле "Ал да нур сәс халҡыңа!" миҙалы бирелеүе менән ҡотлайбыҙ!
Рәйсә Хәким ҡыҙы 1991 йылдан алып (ул ваҡытта СДПИ тип йөрөтөлә) уҡыу йортонда башҡорт халҡына зыялы ул һәм ҡыҙҙар - уҡытыусылар тәрбиәләүгә ҙур өлөш индерә. Оҙаҡ йылдар уҡыу-уҡытыу эштәре буйынса директор урынбаҫары, башҡорт әҙәбиәте кафедраһы мөдире, 2017 йылдан башҡорт һәм төрки филологияһы факультеты деканы. Зәйнәб Биишева ижадына арналған конференциялар үткәрә, вуздағы музейҙы етәкләй.

Рәзинә Зәйнетдинова.