"Йыл уҡытыусыһы" конкурсында Башҡортостандың данын математика уҡытыусыһы яҡлаясаҡ

2023 йылда «Рәсәйҙең йыл уҡытыусыһы» конкурсында Башҡортостан исеменән Өфөнөң 39-сы гимназияһынан математика уҡытыусыһы Артем Баянов сығыш яһаясаҡ, тип хәбәр итә республиканың Мәғариф министрлығы.

Конкурстың йомғаҡлау этабы 20 сентябрҙән 5 октябргә тиклем Мәскәү өлкәһендә уҙа. Финалда Рәсәйҙең 89 субъектынан төбәк этаптарында еңеүселәр ҡатнашасаҡ.

Еңеүсенең исеме 5 октябрҙә, Халыҡ-ара уҡытыусылар көнөндә иғлан ителәсәк.

Фото: Минобр РБ