Быйыл хәрби хеҙмәткә көҙгө саҡырылыш нисек булыр?

Хәрби комиссариатҡа килеү өсөн төп документ ҡағыҙ повестка була. Дәүләт Думаһының оборона буйынса комитеты рәйесе Андрей Картаполов ошо турала белдерҙе. Хәрби иҫәп буйынса реестрҙы тулыһынса эшләткәнгә тиклем электрон саҡырыу һынау рәүешендә генә ебәрелә. 1 октябрҙән повестка алып та комиссариатҡа килмәгәндәргә 30 мең һумға тиклем штраф һалыныуы ихтимал. Быға тиклем хәрби хеҙмәткә көҙгө саҡырылыш кампанияһын “Дәүләт хеҙмәттәре” аша ебәрелгән электрон документтар буйынса уҙғарыу тәртибе ҡаралды. Әммә ҡыҫҡа ғына ваҡыт эсендә һанлы реестр әҙерләү мөмкин түгел тип аңлаттылар илдең Һанлы үҫеш министрлығында.