15 йәшлек үҫмерҙе эҙләйҙәр

Өфөлә 15 йәшлек Ләйлә Сафинаны эҙләйҙәр. Был хаҡта «БашРегионСпас» ирекле эҙләү-ҡотҡарыу отряды активистары һөйләне.

Үҫмерҙе кисәнән бирле эҙләйҙәр, ул өйөнән сығып киткән һәм кире әйләнеп ҡайтмаған. Ҡыҙҙың билдәләре: буйы - 169 сантиметр,  тулы кәүҙәле, ҡара сәстәре ҡулбашына тиклем һәм аҡ-һоро күҙле. Капюшонлы ҡара толстовка, спорт салбары һәм кроссовкалар кейгән.

Ирекмәндәр үҫмерҙең ҡайҙалығын белгәндәрҙе 8 (937) 3-102-112 йәки 112 телефоны буйынса хәбәр итеүҙәрен һорай.

Фото: Соцсети