Махсус хәрби операцияла ҡатнашыусыларҙың әсәһенә мунса күтәргәндәр

Махсус хәрби операция зонаһында ике улы булған ҡатынға Яңы Мораптал ауылында йәшәүселәр ярҙам күрһәткән, тип хәбәр итте Көйөргәҙе районы башлығы Юлай Ильясов социаль селтәрҙә.

"Моратов Вилдан, Этҡолов Ишбулды, Мәзитов Дамир өмәгә килгән һәм ике улы ла  СВО-ла булған ҡатындың мунсаһын күтәрә башлаған. Махсус хәрби операцияға тиклем улдары бура һатып алған, ләкин уны күтәреп өлгөрмәгән», - тип билдәләне район башлығы.

Юлай Ильясов район инвалидтар йәмғиәте рәйесе Шамил Хәсәновҡа - бригада ойошторғаны, ә ауыл халҡына ярҙам күрһәткәне өсөн рәхмәт белдерҙе.

Фото: Юлай Ильясов ВК.