Мәүлит халҡы мәсет төҙөгән

Силәбе өлкәһе Арғаяш районының Мәүлит ауылы халҡы үҙ көсө менән мәсет төҙөгән. Был хаҡта Башҡортостандың Силәбеләге вәкиле Әлфир Байымов хәбәр итте.

Уның яҙыуынса, Мәүлит халҡы әүҙемлеге менән айырылып тора, ата-бабалары хаҡында иҫтәлекте хөрмәтләп һаҡлай, һәр эште берҙәм атҡарып сыға. Был ауыл танылған башҡорт шағирәһе Кәтибә Кинйәбулатованың тыуған төйәге булараҡ та билдәле.

Уҙған быуаттың утыҙынсы йылдарына тиклем Мәүлит Башҡорт АССР-ының Арғаяш кантоны составына ингән.

https://vk.com/kurultaibashkir?w=wall-109622739_71927