Ғәҙәттән тыш хәлдәр министрлығы һауа шарттарының боҙолоуы хаҡында иҫкәртә.

Ғәҙәттән тыш хәлдәр министрлығы Башҡортостанда һауа шарттарының боҙолоуы хаҡында иҫкәртә. Алдағы  көндәрҙә республикала  яуым-төшөм көтөлә.

Ғәҙәттән тыш хәлдәр министрлығы дәүләт комитетында иҫкәртеүҙәренсә, 28, 29 һәм 30 октябрҙә күпселек райондарҙа епшек ҡар һәм ямғыр яуыуы, урыны менән тимер сымдарға һәм ағастарға епшек ҡар йәбешеүе,  юлдарҙың айырым участкаларында боҙлауыҡ булыуы көтөлә.

Синоптиктар елдең секундына 15-20 метрға тиклем көсәйеүен вәғәҙәләй. Ведомствола водителдәргә юлдарҙа иғтибарлы булырға, хәүефһеҙ араны һәм тиҙлек режимын үтәргә кәңәш итә.

Фото: МЧС по РБ