Башҡортостанда 250 меңенсе сабый тыуған!

Ул — билдәле ғалимдар Бүләковтар ғаиләһендә донъяға килгән кескәй генә Нуриман, тип хәбәр итә республика башлығы хакимиәте етәксеһе Максим Забелин.

Тарих фәндәре кандидаттары Гөлсәсәк һәм Илнур Бүләковтарҙың улы Республика перинаталь үҙәгендә тыуған. Бөгөн әсә һәм сабый бала табыу йортонан сыҡҡан. Ейәнен ҡаршы алырға билдәле ғалимә, филология фәндәре кандидаты Ғәҙилә Мөҙәрис ҡыҙы Бүләкова ла килгән. Максим Забелин матур ваҡиға менән ҡотлап, йәш әсәгә гөлләмәлә тапшырған.

— Республика перинаталь үҙәге табиптарына юғары профессиональ ярҙамы һәм йәш ғаиләләргә, сабыйҙарға күрһәткән хәстәрлеге өсөн рәхмәтемде еткерәм. Һеҙҙең тырышлығығыҙ Башҡортостан ғаиләләренә сағыу һәм хәүефһеҙ тормош бүләк итә, — тип белдергән хакимиәт етәксеһе.

Бүләковтар ғаиләһен ҡотлайбыҙ! Сабыйға һәм ата-әсәһенә сәләмәтлек, бәхетле киләсәк теләйбеҙ!

https://vk.com/bstnews