Республикала ислам ипотекаһы булдырылды

Шәриғәт ҡанундарына ярашлы, фатирҙы төҙөлгән йә әле төҙөлөп ятҡан йорттан алырға мөмкин. Шәхси йорттар һәм таунхаустар һатып алыу рөхсәт ителмәй. Ипотекаға тәүге иғәнә 30 проценттан кәм булмаҫҡа тейеш. Максималь мөҙҙәте - 20 йыл. Фатирҙың хаҡы 300 меңдән алып 100 миллион һумға тиклем тәшкил итергә мөмкин.

Хәләл ипотеканың ғәҙәттәге ипотеканан айырмаһы шунда: әлеге осраҡта фатирҙарға хаҡ өҫтәлеп һатыла. Иң мөһиме, килешеүе хәләл, тип иҫәпләй ислам ипотекаһын файҙаланырға йыйынған йәштәр.