Пенсионер ҡатынды мутлашыусыларҙан ҡотҡарған

Пенсионерҙы "Һеҙҙең туғанығыҙ юл-транспорт ваҡиғаһына осраған" схемаһы буйынса мутлашыусылар  телефондан алдарға маташҡан. Йәнәһе, уның ейәнсәре юл-транспорт ваҡиғаһында ғәйепле булып, енәйәт эшенән ҡасыу өсөн аҡса һорап шылтыратҡан.

Салауатта йәшәгән ҡатын кәрәкле сумманы таксист Рөстәм Ғүмәровҡа тапшырған. Аҡсаны Ырымбурға алып барып, заказсы менән бәйләнешкә ингән, әммә һөйләшеү барышында уның мутлашыусылар икәнлеген аңлап ҡала. Был сумманан өлөш сығарырға һәм тәҡдимдәргә ҡарамаҫтан, Рөстәм аҡсаны кире Салауатҡа алып ҡайта һәм уны полицияға тапшыра. Аҡсаны  ҡатынға кире ҡайтарып бирәләр һәм Рөстәмде уның әүҙем гражданлыҡ позицияһы өсөн бүләкләйҙәр.