Башҡортостан яугиры дүрт дәүләт наградаһын алды

"Таһир" ҡушаматлы яугир махсус хәрби операция зонаһында уның башынан алып ҡатнаша. Ә яңыраҡ беҙ уның хәрби хәрәкәттәрҙә күрһәткән батырлығы һәм ҡаһарманлығы өсөн бер юлы дүрт дәүләт наградаһына - «Хәрби айырмалыҡтары өсөн», «Георгий Жуков», «Хәрби берҙәмлекте нығытҡан өсөн» миҙалдарына һәм Батырлыҡ орденына лайыҡ булыуын белдек, тип яҙылған район хакимиәте сәхифәһендә.

Таһир Һәүәләй ауылында тыуған. Шулай ҙа бала сағы  күрше Кәбәк ауылында үтә. Яугирҙың әсәһе әйтеүенсә, «Таһир» бала саҡтан хәрби кеше булырға хыялланған. Урындағы мәктәпте тамамлағас, ул ашығыс хеҙмәтте үтеү сиктәрендә хәрби хеҙмәткәр статусын ала.

"Таһир"ҙың ҡайтыуын тормош иптәше һәм улы көтә. Лайыҡлы наградалары менән ҡотлайбыҙ, ныҡлы һаулыҡ, тиҙерәк еңеү менән әйләнеп ҡайтыуын теләйбеҙ!

Фото: соцсети Кармаскалинского района.